Mae cael eich bwlio yn brofiad annifyr iawn, ac yn gallu cymeryd sawl gwahanol ffurf, ond mae yna lawer o lefydd allwch fynd i gael help gyda hyn. Ceir gwybodaeth yma i chi os yn blentyn neu'n berson ifanc sy'n cael eich bwlio, neu os ydych yn riant neu'n gofalu am blentyn:
Mae Parentline Plus yn llinell cymorth 24 awr sy'n cael ei staffio gan rieni, yna i bwy bynnag sy'n edrych ar ôl plentyn mewn rôl rhiant, yn cynnwys llys-rieni, neiniau a theidiau, rhieni sengl neu rieni sydd wedi mabwysiadu. Cynigir cefnogaeth a gwybodaeth ar bob math o bynciau, yn cynnwys bwlio, ymddygiad, trais rhywiol, addysg, alcohol a chyffuriau.
Mae YoungMinds yn llinell gymorth sy'n cynnig gwybodaeth a chyngor i unrhyw un gyda phryderon am iechyd meddyliol person ifanc, er enghraifft os maent yn cael eu heffeithio gan fwlio. Darperir gwybodaeth am ystod o faterion iechyd meddwl a manylion gwasanaethau cenedlaethol a lleol.
Mae EACHaction yn cynnig help i'r rhai sydd wedi cael eu heffeithio gan fwlio oherwydd eu rhywioldeb. Ffoniwch neu ewch i'r gwefan am fwy o fanylion.
Canolfan cyngor annibynnol i rieni yw'r Advisory Centre for Education (ACE), yn rhoi cyngor ar bob agwedd o addysg 5-16 gan y wladwriaeth yng Nghymru a Lloegr. Gallent roi cyngor ar fwlio, gwaharddiadau ysgol, anghenion arbennig ac apelion ysgol yn gyffredinol. Mae ganddynt bamffled da ar daclo bwlio, sydd ar gael fel taflen pdf.
Mae Bullies Out yn elusen Gymreig sy'n darparu gwybodaeth ddwyieithog safonol am fwlio i blant ac oedolion, yn ogystal â chynnal fforwm cymorth ar-lein.
Mae Bullying UK yn darparu llawer o wybodaeth drylwyr a chyngor ar fwlio, yn cynnwys strategaethau i ysgolion a help i unigolion.
Er bod Childline Cymru yn llinell gymorth wedi ei anelu at blant yn unig, maent hefyd yn rhannol gyfrifol am 'CHIPS' (Childline In Partnership with Schools), sy'n rhedeg gweithdai am fwlio mewn ysgolion. Mae Childline yn rhan o NSPCC Cymru, a fedrwch gael mwy o fanylion nid yn unig am y cynllun hwn ond am ffynonellau eraill o gymorth os ydych yn poeni am fwlio, drwy ffonio neu drwy fynd i'r gwefan.
Mae llinell gymorth yn erbyn bwlio Kidscape yna i rieni/gofalwyr neu oedolion eraill sy'n poeni ac sydd angen cyngor ar sut i ddelio gyda bwlio. Mae'r gwefan, sydd hefyd i blant a phobl ifanc, yn rhoi cyngor ymarferol ar sut i gadw'n sâff.
Adnodd defnyddiol iawn i athrawon yn delio gyda bwlio homoffobig.
Mae FFLAG yn cynnig cefnogaeth i grwpiau rhieni lleol sy'n ceisio dod i ddeall aelodau o'r teulu sy'n lesbiaid, hoywon neu'n ddeurywiol. Maent hefyd yn gweithio ar brosiectau i daclo bwlio yn erbyn hoywon.
Os ydych dan 18 ac yn poeni am unrhyw beth, gallwch gael help unrhyw awr o'r dydd neu nos drwy ffonio Childline Cymru am ddim, neu drwy fynd i'w gwefan am fwy o wybodaeth. Mae yna oedolion yna i'ch helpu chi sortio unrhyw broblem yn eich bywyd. Os ydych fethu clywed yn dda iawn gallwch ffonio drwy ffôn testun ar y rhif sy'n cael ei roi yma.
Gwasanaeth da iawn ar lein sy'n gysylltiedig â Childline. Fedrwch gael mwy o wybodaeth am fwlio a phynciau eraill, gadael negeseuon neu gael help uniongyrchol dros y we ar ôl cofrestru.
Cewch wybodaeth fywiog ar sut i guro'r bwlis o wefan BBClic.
Cyngor da os ydych yn cael eich bwlio a phynciau eraill sy'n effeithio pobl ifanc yn Need2Know.
Sianel ar y we sy'n llawn gwybodaeth defnyddiol i bobl rhwng 11-25 oed yng Nghymru. Mae hyn yn cynnwys y newyddion diweddaraf, eich iechyd, addysg a phob math o bynciau eraill pwysg wrth i chi dyfu.
Os ydych o dan 25 gallwch gael cefnogaeth emosiynol gyfrinachol yn rhad ac am ddim o wasanaeth Get Connected.
Os ydych yn ddyn ifanc, gellir cael help a chyngor os ydych chi'n teimlo'n isel drwy fynd i wefan C.A.L.M. neu drwy gael gair dros y ffôn.
© 2012 S4C
O Gymru / Made in Wales