Gall trawiad i'r pen, am ba bynnag reswm, fod yn anaf difrifol iawn. Yn aml, mae angen gofal a chynllun adfer hirdymor, a gall cael effaith ar nid jest yr unigolyn, ond y bobl sydd o'i amgylch neu'n agosaf iddo fo neu hi. Mae'r mudiadau yma'n cynnig rhywfaint o gymorth a chefnogaeth.
Mae Headway yn cynnig gwybodaeth, cefnogaeth a gwasanaethau i bobl sydd gydag anaf i'r ymennydd, eu teuluoedd a'u gofalwyr. Maent yn cynnal grwpiau cefnogaeth yng Nghonwy, Gwynedd, Ynys Môn, Sir Benfro, Sir Gâr, Abertawe, Pen-y-bont ar Ogwr a Chaerdydd - mwy o fanylion ar y wefan ddefnyddiol a thrwy'r linell gymorth hefyd.
Mae'r Brain Injury Rehabilitation Trust yn ceisio helpu pobl adennill eu sgiliau ar ôl cael anaf i'r ymennydd. Maent yn cynnig ystod o wasanaethau yn cynnwys asesiadau, gwasnaethau adferiad, gofal hirdymor mewn tai a chefnogaeth yn y gymuned.
Elusen i blant a phobl ifanc sydd gyda dros 26 mlynedd o brofiad yn gweithio gydag anafiadau i'r ymennydd, a chyflyrau sydd wedi eu hetifeddu ac sy'n golygu anabledd neu ddatblygiad araf. Maent hefyd yn cefnogi teuluoedd gyda phlant awtistig.
Er nad yw'r ymddiriedolaeth yn gweithio'n Gymru ar y funud, mae'r wefan gyda gwybodaeth a thaflenni defnyddiol i rieni neu ofalwyr plant gydag anaf i'r ymennydd.
Ffynhonnell dda o wybodaeth i'r sawl sy'n rhan o'r maes anafiadau pen, mae'r fforwm yn ceisio codi ymwybyddiaeth a gwella gwasanaethau i'r sawl sydd gydag anafiadau o'r fath.
Yna i helpu pobl sydd wedi cael strôc, eu teuluoedd a'u gofalwyr, gyda chysylltiadau lleol ar draws Cymru.
Gwybodaeth helaeth o safon am bynciau iechyd, sy'n cael ei ddarparu gan ddoctoriaid a nyrsys mewn ymgynghoriad fel arfer.
© 2012 S4C
O Gymru / Made in Wales