Safle Cynhyrchu S4C

Canllawiau

Rhaglenni/Comisiynu

Cyflwyniad i'r Cynhyrchwyr 15/01/13
Proses Dendro 21/01/13
Canllawiau Brand Cyw 24/12/12
Canllawiau S4C ar Osod Cynnyrch - 25/06/12
Canllawiau Etholiadau Lleol 2012 21/03/12
Union Hyd Rhaglenni 09/03/12
Adolygiad o Ddatganiad Polisi Rhaglenni 2010 19/12/11
Canllawiau Brand S4C - Gosod Cynnyrch - 02/04/11
Y Refferendwm ar Bwerau'r Cynulliad - Canllawiau S4C - 04/01/11
S4C Guidelines to Political Parties or designated organisations for the production of Party Political, Party Election or Referendum Campaign Broadcasts (PPB, PEB, RCBs) - Dogfen Saesneg (Cymraeg i ddilyn) - 14/01/11
Delivery of Party Political, Party Election and Referendum Campaign Broadcasts to S4C - Dogfen Saesneg (Cymraeg i ddilyn) - 14/01/11
Etholiadau'r Cynulliad a'r Refferendwm ar y Dull Pleidleisio - Canllawiau S4C - 25/03/11
Cod Ymarfer APC (The Alliance for the Protection of Copyright)
Datganiad Polisi Rhaglenni S4C 2011 - 02/02/11
Strategaeth Cynnwys 2009 - 2013
Adolygiad Datganiad Polisi Rhaglenni S4C 2008
Brîff Golygyddol a Busnes - Enghraifft 05/02/08
Proses Gomisiynu S4C 16/12/08
Canllawiau Cydnabyddiaeth 17/03/11
Canllawiau Brand S4C 06/01/11

Canllawiau Cydymffurfiaeth S4C

Canllawiau Rhyngweithio

Canllawiau Rhyngweithio neu Gystadlu ar raglenni S4C

1.1.1 gwylwyr yn cymryd rhan mewn rhaglen fel cystadleuwyr e.e. cwisiau;
1.1.2 cyfleoedd i bleidleisio;
1.1.3 gwylwyr yn cystadlu drwy wasanaethau ffôn, post neu ar-lein;
1.1.4 gwylwyr yn ffonio i mewn neu ryngweithio gyda'r rhaglen, i holi cwestiwn, neu roi barn (e.e. gemau, trafodaethau stiwdio) drwy wasanaethau ffôn, ar-lein neu drwy'r post;
1.1.5 anfon cynnwys i'w ddefnyddio mewn rhaglen neu wasanaethau (e.e. lluniau, gwaith llenyddol, llythyrau ayb);
1.1.6 lawrlwytho deunydd a fyddai'n gysylltiedig â rhaglen.

Mae'n ofynnol i gynhyrchwyr gydymffurfio gyda'r Canllawiau hyn.

2. Comisiynu
2.1 Fel rhan o'r broses o ddatblygu a pharatoi rhaglen, dylid trafod manylion llawn am natur y gwasanaeth rhyngweithiol neu'r gystadleuaeth sy'n cael ei gynnig, a'i gyd-destun golygyddol, gyda'r aelod perthnasol o'r tîm comisiynu yn S4C.
2.2 Rhaid i gynhyrchwyr roi manylion llawn o unrhyw fwriad i gynnwys unrhyw weithgaredd rhyngweithio o fewn rhaglenni neu mewn cysylltiad â/yn cydredeg â'r rhaglenni a gynhyrchir, ac unrhyw ddefnydd arall o linellau ffôn/testun, yn Adran 2.11 o'r Briff Golygyddol a Busnes, Rhan 1. Rhaid cael caniatâd S4C o flaenllaw cyn trefnu unrhyw weithgaredd rhyngweithiol.
2.3 Dylid darparu manylion llawn am oedran targed a lefel gwybodaeth y gynulleidfa darged.
2.4 Dylai'r dull(iau) o ryngweithio fod mor agored ac ymarferol ag sy'n bosib.
2.5 Mae S4C yn credu y dylai gwylwyr sy'n dymuno cymryd rhan mewn cystadlaethau neu ddefnyddio llinellau ffôn neu destun allu gwneud hynny am gost sy'n rhesymol i'r defnyddiwr ond sy'n ddigonol i dalu costau darparu'r gwasanaeth rhyngweithio. O dro i dro, gall fod sail i godi cyfradd uwch a bydd angen i S4C gymeradwyo hynny o flaenllaw. Os nad yw'r Cynhyrchydd yn siŵr o'r gwahanol rifau a'r costau arfaethedig, gan gynnwys rhifau cyfradd premiwm, gall y linc isod fod o gymorth - http://consumers.ofcom.org.uk/files/2010/01/numbering.pdf
2.6 Disgwylir i gynhyrchwyr gynnig gwasanaeth rhyngweithio heb gost i gyllideb y rhaglen. Dylid nodi'r rhagdybiaethau ynglŷn â chost darparu'r gwasanaeth ac amcangyfrif o'r defnydd ohono a'r incwm yn deillio ohono wrth gyflwyno cyllideb y rhaglen.
2.7 Rhaid i bob Cynhyrchydd sydd yn dymuno defnyddio gwasanaeth cyfradd premiwm (P.R.S.) neu sy'n rhagweld y gall ddefnyddio'r fath wasanaeth gofrestru gyda PhonepayPlus (http://www.phonepayplus.org.uk) ar unwaith ac yn sicr cyn 1af o Fedi 2011. Ni all y Cynhyrchydd gytundebu gyda chwmni sydd yn darparu gwasanaeth cyfradd premiwm oni bai fod y cwmni wedi ei gofrestru gyda PhonepayPlus.
2.8 Rhaid i bob Cynhyrchydd sicrhau ei fod wedi ymgymryd â phrofion diwydrwydd dyladwy ar unrhyw drydydd parti y mae yn cytundebu â nhw ar gyfer gwasanaeth cyfradd premiwm, yn ogystal â chynnal asesiad risg ac ymarfer rheolaeth dros y fath drydydd partïon. Rhaid i'r Cynhyrchydd sicrhau a bodloni S4C bod y gwasanaethau o safon dechnegol ddigonol.
2.9 Rhaid i unrhyw gytundeb gyda thrydydd parti sydd yn darparu gwasanaeth cyfradd premiwm gynnwys cymal sydd yn cydnabod y bydd y naill barti a'r llall i'r cytundeb yn cydymffurfio â Chod PhonepayPlus ac unrhyw ganllawiau sydd yn ymwneud â'r Cod ac, yn unol ag Adran 1 Deddf Cytundebau (Hawliau Trydydd Partïon) 1999, bod gan PhonepayPlus y pwerau i orfodi telerau priodol y cytundeb.
2.10 Wedi cyflwyno'r cynlluniau ar gyfer elfen gystadleuol/ryngweithiol, disgwylir i ganiatâd ysgrifenedig gael ei roi gan yr aelod perthnasol o dîm comisiynu S4C cyn symud ymlaen.
2.11 Bydd angen gwneud hyn ar gyfer pob cyfres ac i ddilyn unrhyw newidiadau o fewn rhediad cyfres, a'i adnewyddu yn flynyddol neu mewn cyfnod llai os oes cyfres newydd o fewn y flwyddyn.
Dylai'r cwmni cynhyrchu ddilyn y canllawiau ar gyfer y math arbennig o ryngweithio sydd yn cael ei gynllunio (gweler yr Atodlenni i'r Canllawiau isod), ac anfon y dogfennau priodol at yr aelod perthnasol o'r tîm comisiynu yn S4C yn ogystal â angharad.p.jones@s4c.co.uk erbyn dyddiad derbyn Rhan 1 y Briff Golygyddol a Busnes.
2.13 Mae hyn er mwyn sicrhau fod trefniadau priodol yn eu lle cyn darlledu a bod unrhyw wybodaeth berthnasol ar gael i'r cyhoedd yn llawer cynt na darllediad y rhaglen/gyfres.
2.14 Cesglir yn ganolog gan S4C y wybodaeth a gyflwynir yn y Briff Golygyddol a Busnes ac unrhyw wybodaeth ychwanegol sy'n delio â rhyngweithio gyda'r gynulleidfa.

3. Gweithredu
3.1 Bydd S4C yn ymgorffori'r Briff Golygyddol a Busnes yn y cytundeb comisiynu ac yn disgwyl i gynhyrchwyr gydymffurfio â'r manylion sydd wedi eu hamlinellu yn y ddogfen.
3.2 Ni fydd yr anghenion rhyngweithio yn cyfaddawdu neu'n effeithio ar gyfrifoldebau cytundebol cynhyrchwyr i gynhyrchu rhaglenni sy'n cydymffurfio â'r holl godau perthnasol a gwarantau'r cynhyrchwyr. 3.3 Ymhob achos, rhaid rheoli pob gwasanaeth a gynigir yn gyfreithlon a theg yn unol â chanllawiau PhonepayPlus ac Ofcom.
3.4 Dylid cynnal asesiad risg o'r trefniadau ar gyfer y rhyngweithio, a sicrhau fod trefniadau priodol mewn lle i ddelio gydag unrhyw risgiau a adnabyddir drwy'r broses.
3.5 Lle mae newidiadau yn y manylion rhyngweithio yna dylid hysbysu'r aelod perthnasol o dîm comisiynu S4C o'r newidiadau hynny. Mewn achos o'r fath, dylid adolygu'r asesiad risg ac (os yn briodol) sicrhau bod y trefniadau ar gyfer y rhyngweithio yn cael eu diweddaru.
3.6 Dylai'r cwmni fod ag un person cyswllt yn y tîm cynhyrchu â chyfrifoldeb ar gyfer rheoli'r gwasanaethau rhyngweithio/cystadlaethau.
3.7 Bydd disgwyl i'r cwmni cynhyrchu hefyd sicrhau fod yr holl staff cynhyrchu sydd yn gysylltiedig â'r gweithgaredd rhyngweithio yn ymwybodol o reolau ac amodau'r rhyngweithio/gystadleuaeth a gofynion y canllawiau hyn.
3.8 Mewn pob achos ble anogir rhyngweithio ar y teledu/wefan/print ac yn y blaen fe ddylid arddangos gwybodaeth am y rheolau, yr amodau cymryd rhan ac unrhyw gostau perthnasol yn glir i'r defnyddiwr.
3.9 Os oes data'n cael ei gasglu fel rhan o'r rhyngweithio/cystadlaethau, rhaid i'r cwmni cynhyrchu ac unrhyw drydydd parti sy'n rhan o system weinyddu'r rhyngweithio arwyddo cytundeb sydd yn cynnwys fel lleiafswm y cymalau diogelu data a gynhwysir yn yr Atodlenni isod.

4. Monitro ac atebolrwydd
4.1 Caiff yr wybodaeth a gyflwynir yn y Briff Golygyddol a Busnes a gwybodaeth ychwanegol yn gysylltiedig â rhyngweithio ei gasglu'n ganolog gan S4C.
4.2 Dylai'r cwmni cynhyrchu fod â phrosesau addas ar gyfer cofnodi'r holl weithgaredd rhyngweithio, ac i ddelio ag unrhyw ymholiadau neu gwynion a dderbynnir mewn cysylltiad â rhyngweithio/cystadlu.
4.3 Bydd S4C yn ymgorffori darpariaeth ar gyfer archwilio yn y cytundeb comisiynu a fydd yn rhoi'r hawl i S4C benodi archwilydd annibynnol i archwilio'r ddogfennaeth a'r systemau ar gyfer y rhyngweithio/y gystadleuaeth. Gallai hyn fod yn archwiliad cynlluniedig i wirio ei fod yn cydymffurfio â'r gweithdrefnau a'r systemau a amlinellir yn y cytundeb, neu mewn ymateb i gŵyn neu broblem benodol.
4.4 Ar ddiwedd pob cyfres neu yn flynyddol yn achos cyfres hir, dylai'r cwmni cynhyrchu ddarparu adroddiad i S4C ar unrhyw weithgareddau rhyngweithio yn y gyfres dros gyfnod yr adroddiad, gan gynnwys:
- faint o wasanaethau rhyngweithio a gynigiwyd i wylwyr/defnyddwyr;
- faint o ymateb a gafwyd;
- beth oedd costau'r gwasanaethau rhyngweithio;
- faint o incwm a dderbyniwyd o'r gwasanaethau rhyngweithio;
- unrhyw gwynion yn deillio o'r gwasanaethau rhyngweithio.

5. Hyfforddiant
5.1 Bydd S4C yn darparu hyfforddiant priodol i staff S4C yn fewnol ynglŷn â'r canllawiau.
5.2 Dylai'r cwmni cynhyrchu fod â threfniadau hyfforddi ac ymgyfarwyddo (induction) i'w staff a fyddai'n ymwneud a rhyngweithio a chystadlaethau, gan sicrhau gwybodaeth drwyadl o'r canllawiau hyn.

6. Adolygu'r canllawiau
6.1 Byddwn yn adolygu ein trefniadau a'n canllawiau o bryd i'w gilydd, ac o leiaf bob tair blynedd. Byddwn hefyd yn ystyried argymhellion unrhyw broses ymgynghori gan Ofcom ar deledu cyfranogol ac unrhyw god neu ganllawiau newydd sy'n effeithio ar y gwasanaethau hyn.
6.2 Os oes unrhyw gwestiwn neu gais am ragor o wybodaeth mewn cysylltiad â'r canllawiau hyn yna gellir cyfeirio unrhyw ymholiad at yr aelod perthnasol o dîm comisiynu S4C.

Atodlenni i'r Canllawiau

1. Rhaglen sy'n gystadleuaeth (e.e. cwis)
1.1 Awgrym o reolau ar gyfer rhaglenni sy'n gystadleuaeth.
1.2 Cymalau diogelu data (Ffurflen safonol TAC).

2. Cystadleuaeth i ennill gwobr o fewn rhaglen, neu weithgaredd cysylltiedig
2.1 Ffurflen gystadlu.
2.2 Awgrym o reolau i ennill gwobr mewn cystadlaethau mewn rhaglenni neu weithgaredd cysylltiedig.
2.3 Cymalau diogelu data (Ffurflen safonol TAC).

3. Pleidleisio

3.1 Ffurflen pleidleisio.
3.2 Awgrym o reolau pleidleisio.
3.3 Cymalau diogelu data (Ffurflen safonol TAC.

4. Cyfraniadau gwylwyr i'w ddefnyddio mewn rhaglen neu wefan
4.1 Ffurflen anfon cyfraniad.
4.2 Amodau ar gyfer anfon cyfraniadau.
4.3 Cymalau diogelu data (Ffurflen safonol TAC).

5. Lawr lwytho deunydd
5.1 Ffurflen lawr lwytho deunydd.