Rhaglenni ar gyfer y gwylwyr iau.
Nia o Ribidirês fydd yn darllen am William, sy'n meddwl bod arth anferth yn byw yn y cwtsh dan stâr.
Mae Douglas yr hwyaden fach yn hwyr i'r ysgol bob dydd ac mae Ernie yn ei ddilorni tra bo'r athrawes Mrs Winger yn poeni ei fod yn anhapus. Mae Owen y dylluan yn ei wely efo annwyd trwm ac ar ôl i Douglas fynd i ymweld ag ef gyda Hana a'r criw mae'n cyfaddef bod ei fam yntau yn sâl yn ei gwely efo'r ffliw a'i fod wedi bod yn gofalu amdani.
Mae'r Dywysoges Fach yn dysgu pam na ddylai hi chwarae pêl-droed yn y ty.
Mae Twm Tisian yn edrych ymlaen at ddal pysgodyn gyda'i wialen fawr. Ond y cwbl mae e'n llwyddo ei ddal ydy esgidiau glaw ac ymbarél.
Mwy o anturiaethau'r tractor bach coch.
Rhaglenni ar gyfer y gwylwyr iau.
Draw yn Ysgol Gynradd Cei Bach mae Prys yn rhoi help llaw gyda dirgelwch mawr iawn - mae bochdew yr ysgol ar goll! Rhaid i Prys a'r plant gael hyd iddo ar frys.
Mae'n ddiwrnod poeth ond nid yw Trefor yn fodlon cyfaeddef bod ei fws yn rhy hen i fynd fyny mynydd Pontypandy. Mae'n gor-dwymo ac wrth i Trefor agor y bonet mae'n achosi tân.
Hwyl i blant meithrin gydag Cled a'i ffrindiau wrth iddynt ddarganfod y byd gwych sydd o'u hamgylch.
Anturiaethau Ari'r awyren a'i ffrindiau yn Nhretarri.
Anturiaethau Pingu'r pengwin.
Wibli druan - mae ganddo set swigod newydd sbon ond mae pawb yn gallu chwythu swigod heblaw amdano ef. Mae o un ai'n chwythu'n rhy galed neu'n rhy ysgafn. Mae hyd yn oed Porchell a'r awel yn gallu chwythu swigod yn well na Wibli! Pa fath o siapiau maen nhw'n gallu eu chwythu? Swigod sgwâr, swigod hir a swigod sgleiniog! Fydd Wibli wedi dysgu i chwythu'r swigen berffaith cyn diwedd y dydd?
Wrth chwarae cuddio yn y parc mae Igi'n dod o hyd i rywbeth gwerthfawr iawn.
Mae'r Warden yn trefnu ei Rodeo flynyddol ond daw morfilod Orca draw a rhwystro'r hwyl.
Cyfres i gyflwyno bwyd a choginio i blant meithrin. Yn y rhaglen hon bydd Twts a Martyn yn coginio Nygets Cyw Iâr iachus.
Anturiaethau Tomos y Tanc a'i ffrindiau.
Dewch gyda Lowri a'i ffrindiau ar daith yn y Bws Parti i barti arbennig yn llawn hwyl a sbri, lliwio a gemau, canu a dawnsio.
Mae'r Teulu Mawr wedi gwneud eu gwisgoedd eu hunain ar gyfer y parti gwisg ffansi yn yr ysgol, tra bo'r Teulu Twt wedi llogi rhai o'r siop. Ond gwisgoedd pwy fydd orau tybed?
Cyfres llawn egni a chyffro yng nghwmni'r cymeriad lliwgar "Heini". Yn y rhaglen hon bydd "Heini" yn cael hwyl yn chwarae golff a thenis.
All Plismon Plod ddim stopio rhedeg yn wyllt o gwmpas Gwlad y Teganau.
Cyfres animeiddiedig a leisir gan Caryl Parry Jones.
Mae Jac Do'n hoff iawn o chwarae â thelyn Sali Mali, er ei fod yn gwybod nad oes hawl ganddo wneud.
Mae stori heddiw wedi ei selio ar chwedl draddodiadol Y Babi Byniyp o Awstralia. Heddiw mi fydd y Babi Byniyp yn mynd ar daith gyffrous.
Rhagor o anturiaethau gyda Bob a'r criw.
Heddiw, mae'r Dychmygwyr yn dawnsio i guriad Tseineaidd wrth i ddraig liwgar ymweld â'r orsaf.
Ymunwch â Cadi a'i ffrindiau ar antur hud yn y gyfres gartwn i blant meithrin.
Dewch i gwrdd â Melog yr arth, Shibwns y llygoden a'r gwenyn Lili-bet, Bwmbwth a Colyn yn y Pot Mêl.
Rhaglenni ar gyfer y gwylwyr iau.
Mae'r Dywysoges Fach wrth ei bodd yn chwarae yn y glaw.
Mae hi'n ddiwrnod dathlu'r cynhaeaf ac mae'r ffrindiau yn cael parti.
Mae Jac yn brysur yn peintio heddiw. Tybed beth fydd yn ei ysbrydoli?
Croeso mawr i chi ar fwrdd arch Now a Nia a'r holl anifeiliaid. Helbul a halibalw!
Byddwn yn dathlu diwrnod Sant Padrig yng nghwmni Gwyddelod sydd wedi ymgartrefu yng Nghymru. Bydd y cyn chwaraewr rygbi rhyngwladol Dr Gwyn Jones yn westai yn y stiwdio a bydd Rhodri yn mynychu seremoni dadorchuddio cofeb i'r chwaraewr rygbi enwog o Aberdâr, Dr Terry Morgan.
Ar ymweliad â Llydaw bydd Aled Samuel yn dysgu mwy am wydr lliw ar gwrs yn Cleguerec; bydd Alex Jones yn gwella ei Ffrangeg ar gwrs 'Ffrangeg wrth y tân'; a bydd y ddau yn teithio mewn car traddodiadol Ffrengig - Citroen 2CV - i fynd ar drywydd bwyd Llydaw.
Aur pur o'r archif! Cyfle i fwynhau un o gyfresi cwis mwyaf poblogaidd S4C erioed. Bob prynhawn bydd y cwis feistr Kevin Davies yn croesawu 16 cystadleuydd i'r stiwdio. Gydag un person 'ar y banc', bydd y gweddill yn gofyn cwestiwn sy'n odli, i geisio am y wobr Jacpot sydd wedi ei chuddio yn un o'r cardiau cwestiwn. Digon o dynnu coes, baglu dros eiriau, a thensiwn wrth i'r gwobrau ddod i'r golwg.
Heddiw bydd Huw Rees yn rhannu cyngor ffasiwn ar gyfer y gwanwyn a byddwn yn clywed am y cyflwr Glawcoma a'r gwasanaeth newydd sydd wedi ei sefydlu i brofi pobl am y cyflwr.
Rhaglenni i'r gwylwyr iau.
Cyfres yn dilyn helyntion Sabrina, hanner-gwrach sy'n gorfod gofalu ar ôl Portia, gwrach ifanc o'r 'ochr draw', sydd wedi cael ei danfon i'r ddaear gan ei modryb, Enchantra, i ddysgu sut i gydymffurfio â phobl ifanc y blaned.
Josh sydd ar y blaen i ennill blwyddyn o wersi mewn canolfan farchogaeth a ninnau bron iawn hanner ffordd drwy'r gystadleuaeth. Mae'r marchogion wedi cael cyfle i olchi, llywio a throtian ac yn y rhaglen hon maent yn mynd gam ymlaen eto ac yn dechrau carlamu ar gefn eu ceffylau.
Newyddion i bobl ifainc.
Bydd Mel a Pob yn beicio ar hyd lonydd ardal Caernarfon yng nghwmni plant lleol a'r beiciwr mynydd Emyr Davies. Bydd y criw yn casglu rhannau o hen feiciau ac yna, gydag ychydig o ddychymyg ac eli penelin, byddan nhw'n rhoi'r holl rannau at ei gilydd i greu un beic newydd gwych!
Rhaglen ryngweithiol ar gyfer pobl ifanc sy'n cynnwys y wybodaeth ddiweddaraf a ffeithiau diddorol yn gymysg â sgwrs ddifyr a digon o ddrygioni!
Pwy yw'r wyneb cyfarwydd sy'n ymddangos ym mharti Cwm FM? Mae Sheryl wrth ei bodd gyda threfniadau'r briodas, ond ydi Kevin yn hapus? Mae Cai yn llwyddo i achosi rhagor o dyndra rhwng Izzy a Jinx.
Mae Kelvin yn dal i swnian ar Alwyn i gael gyrru'r car rali. Mae Wyn yn awyddus i gael bod yn rhan o drefniadau pen-blwydd Dani. Ydy Sara yn dechrau amau Barry?
Penawdau newyddion a'r tywydd.
Heddiw byddwn yn cyhoeddi ble mae Ty Cyri Gorau Cymru. Hefyd bydd Meinir yn olrhain hanes y cysylltiad rhwng cwmni grawnfwyd a thelynores o Faldwyn.
Rygbi byw wrth i'r Scarlets deithio i Iwerddon i herio Munster mewn gêm yn y Cynghrair Magners. Cic gyntaf 7.35pm.
Ar 'Pethe' heddiw bydd Nia Roberts a Rhun ap Iorwerth yn trafod hen lythyrau, yn edrych ar y grefft o greu cwiltiau, yn holi Arfon Gwilym am y dadeni ym myd canu gwerin Cymraeg, ac yn cael cip unigryw y tu ôl i lenni Neuadd Brynaman.
Ail ran y ddrama heriol gan Delyth Jones. Stori Jane Jones (Eiry Thomas) yw Cwcw. Mae Jane yn sgriptwraig o Gaerdydd ar gyfer yr opera sebon 'Meddyg Teulu' sy'n serennu'r 'arwrol' Dr Gareth. Yn tynnu at ei deugain, mae Jane mewn priodas ryfedd anghymarus â'r actor Sam Llywelyn (Rhys Richards) sy'n actio Dr Gareth. Oes modd i Jane ddianc rhag ei sefyllfa anghysurus?
© 2010 S4C
O Gymru / Made in Wales
